РЕТКО КАДЕ ПРИРОДАТА МОЖЕ ДА МУ ПРУЖИ НА ЧОВЕКОТ ТОЛКУ ЗАДОВОЛСТВО КАКО НА ЈАДРАН
Играта на водата, зеленилото и карпите едноставно ќе ве маѓепса по Јадранската магистрала. Не можете да одолеете на нивните убавини, па секој нареден километар возејки се покрај природните јадрански атракции претставува посебно задоволство!
Доколку патувате со сопствено возило, патувањето можете да го започнете од јужната страна преку Косово и Албанија и да излезете на магистралата кај Бар или доколку се решите од северната страна, ќе треба до Пиранскиот залив да се упатите преку Белград и Загреб.
Целата оваа должина изнесува околу 950 км и пожелно е патувањето да се распореди во неколку денови, а притоа да посетите повеќе места. Ова лето патувањето го започнавме од јужната страна на Јадранската магистрала и прво место на застанување ни беше Бококоторскиот залив, Црна Гора.
Ограничена со карпите на Орјен и Ловќен од едната и Јадранското Море од другата страна, Бока ќе ви го покаже целиот свој сјај, особено наутро, додека сите сè уште спијат, а природата само се буди. Местото од кое го добило името е Котор , чиј стар град е одличен пример за зачувана средновековна архитектура и е вклучен во списокот на светско наследство на УНЕСКО.
Половина час пред Котор се наоѓа центарот на црногорскиот туризам, Будва , за која легендата вели дека ја основал Кадмос , основачот на Теба, а на само десет минути од Будва се наоѓа Свети Стефан , едно од најубавите места што може да ги понуди Црна Гора . Овој атрактивен град-хотел се наоѓа на островче и со текот на времето бил поврзан со копното.
Дубровник
Макарска
Омиш
Сплит
Трогир
Трогир е еден од низата градови во Далмација кои се заштитени од УНЕСКО од 1997 година, а зошто се најде на таа листа најдобро објаснува самиот град. Имено, Трогир го основале античките Грци, а во текот на изминатиот век станал најдобро зачуваниот романо-готски град во Европа. Всушност, вистински град-музеј.
Покрај добро сочуваните ѕидини, кулите и градските порти, овде можете да видите и прекрасни градски палати, бројни цркви и манастири, како и катедрала со уникатен портал. Покрај културниот туризам, Трогир нуди и гастрономски задоволства и „вистинскиот“ летен туризам – чисто море и прекрасни плажи, кои се наоѓаат не само околу градот, туку и на блискиот остров Чиово.
Шибеник
Како што бил освоен од бројни владетели низ историјата, градот развил и изградил импресивна фортификациона архитектура, која најдобро може да се види преку неговите четири тврдини: Св. Никола , најпознатата ренесансна морска тврдина која се наоѓа на влезот на каналот Св. Анте, тврдината Св. Ивана , Шубиќевац и тврдината Св. Миховила , на која можете да се искачите и да имате прекрасен поглед на целиот залив!
Симболот на градот е катедралата Св. Јаков , граден повеќе од сто години и е вистински доказ за надареноста на неговите архитекти Јурај Далматинац и Никола Флорентинац , пред се затоа што е целосно изграден од камен, без употреба на други материјали и содржи повеќе од 70 портрети на неговите апсиди, поради што стана дел од светското наследство на УНЕСКО.
Опатија
Градот Опатија првпат се споменува во средината на 15 век, т.е. во 1453 година. Формиран е околу бенедиктинската опатија Св. Јаков , по што го добила своето име.
Развојот на туризмот во Опатија започна со изградбата на вилата Ангиолина , која е изградена од богатото риеканско бродарско и трговско семејство Скарпа . Бидејќи Иџинио Скарпа бил голем љубител на природата и засадил многу растенија околу куќата, околу истата се развил парк, а денес го претставува централниот парк на Опатија со околу 150 растителни видови.
Скарпа се движел во високи кругови и брзо ја раширил веста за убавините на Опатија. Следеле посети на познати гости од тогашната елита, а набрзо се појавила идејата за Опатија како спа центар за богати туристи, што често се смета за почеток на хрватскиот туризам.
Кон крајот на 19. век во Опатија биле отворени бројни вили, викендички и хотели, а биле уредени шеталишта и паркови. Опатија е прогласена за климатско здравствено одморалиште во 1889 година и набрзо станала едно од најпознатите европски здравствени одморалишта, заедно со Кан и Ница.
Пула
Форумот, централниот градски плоштад, е седиште на градската управа, но и местото каде што се наоѓа Храмот на Август , објект кој првично бил изграден во чест на Август и божицата Рома, а кој често ја менувал својата намена низ вековите. Ако тргнете на исток по Улица Сергијевац , ќе стигнете до друга градска атракција – Сергиевачката капија , древна триумфална капија од која не би се срамеле ниту најголемите светски метрополи.
Центарот на Пула е „надгледуван“ од Каштел , тврдина од 17 век, која сега е дом на Историскиот музеј на Истра . Покрај тоа што таму можете да направите кратко патување во историјата, вреди да се посети и поради одличниот поглед од ридот каде што се наоѓа замокот. Богатата историја оставила свој белег во прекрасните цркви и бројни други точки на интерес, како Римскиот театар или Зероштрасе во подземните тунели.
Пула има и неколку прекрасни места за капење во близина на градот, како што се Верудела или Златне стијене. Доколку сакате нешто поегзотично, прекрасните води на Камењак се на нешто повеќе од половина час од центарот на градот.
Сè на сè, иако не е толку позната како Ровињ или Пореч, Пула дефинитивно вреди да се посети, дури и на пола ден, а ако одлучите да ја запознаете подетално, може да се задржите повеќе време.
Ровињ
Стариот град на полуостровот со фасади во разни бои, средновековни тесни камени улици и плоштади и најпознатиот симбол на Ровињ – црквата Св. Еуфемија, со нејзината камбанарија која доминира низ целиот град, воодушевува многу посетители.
До црквата се наоѓа плато од кое можете да уживате во одличниот поглед на околниот архипелаг, додека од камбанаријата можете да уживате во птичјата перспектива на целиот Ровињ. Вреди да се спомене дека камбанаријата е висока дури 60 метри, а украсена е со бакарна статуа на светецот која се врти по својата оска доколку има силен ветер.
Центарот на градот на Ровињ станал полуостров дури во 18 век, кога бил поврзан со остатокот од градот со насип, а од поранешните седум градски порти, три останале денес, или четири ако се земе предвид аркадата Балби, поновиот влез во Стариот град.
На почетокот на 20. век во Ровињ започнува развојот на туризмот, а само еден век подоцна овој град има најмногу туристички ноќевања во Хрватска, што не треба да чуди, бидејќи се наоѓаат некои од најдобрите хотели на Јадранот овде, а гастрономската, велнес, спортска, како и понудата на разни настани е се побогата секоја година.
Навистина уште многу места долж Јадранската магистрала заслужуваат да бидат споменати, но тоа ќе го направиме во некоја наредна статија.
