Возењето велосипед е извонреден начин да останете здрави и да уживате во глетките, а истовремено е добар и за животната средина. Иако не секој град е изграден за возење, некои градови имаат репутација дека се рај за велосипеди, со километри заштитени велосипедски патеки, програми за споделување на возење и улици без автомобили.
Возењето велосипед се смета за еден од клучните фактори за градовите погодни за живеење и продолжува да блеска како најефикасна, практична и најсигурна алтернатива на урбаното патување. Што треба да се направи за да има повеќе луѓе на нивните велосипеди? Градовите ширум светот страдаат од зголемениот сообраќај, бучавата како и лошиот квалитет на воздухот. Експертите се согласуваат дека е време за радикални промени во сообраќајот и транспортот.
Велосипедизмот се смета за еден од најважните фактори за градовите кои се погодни за живот. Но, што е потребно за да се создадат повеќе градови кои ќе бидат погодни за велосипеди?
Градовите погодни за велосипеди, како што се Копенхаген, Утрехт или Амстердам, честопати се оценуваат како особено вредни за живеење. Не е ни чудо што активната подвижност, како што е возењето велосипед или пешачењето, заштедува простор, е еколошки погодна и не предизвикува зголемена бучава. Очигледно е дека велосипедскиот сообраќај игра сè позначајна улога во иновативното планирање на урбаната мобилност во последниве години, а така и ќе продолжи во иднина.
Во денешно време, градовите повеќе не можат да си дозволат да го бришат ова прашање “под тепих“, потврдува Питер Ланге, кој е одговорен за темата во PTV Transport Consult GmbH. Со цел да се создадат стимулации за поттикнување на велосипедизмот, од суштинско значење е да се обезбеди инфраструктура која ќе им овозможи на велосипедистите безбедно, удобно и ефективно да стигнат до својата дестинација.
Инфраструктура погодна за велосипеди
Според индексот „Копенхагенизирај“ ,потврдено е и истражувањето на велосипедистите во Копенхаген, кој претставува најпријателскиот град во светот за велосипеди. Во главниот град на Данска, 62% од жителите возат велосипед до работа, училиште или универзитет. На прашањето за тоа која е причината, тие не го именуваат здравјето, еколошка свест или заштеда на пари, туку ефективноста – затоа што тоа е најдобриот и најбрзиот начин да се стигне од дестинација А до Б.
„Проширувањето на мрежата на велосипедски рути, се разбира, игра клучна улога во промовирањето за користење велосипед. И тоа не се однесува само на градовите, туку и на околните места, на пр. преку обезбедување велосипедски автопати кои ги поврзуваат градовите и руралните области“, објаснува Питер Ланге.
„Интермодалноста, особено интеграцијата на велосипедизмот и јавниот транспорт, е сеуште еден важен фактор. Овде, не се работи само за вистинската безбедност на велосипедистите, туку и за тоа како тие се чувствуваат во врска со тоа“.
Велосипедска инфраструктура
Учеството на граѓаните
На овој начин, вклученоста на граѓаните во велосипедските проекти добива на значење. На пример, во Копенхаген, велосипедистите се интервјуирани за релевантни прашања како што се инфраструктурата и нивото на воочена безбедност за извештајот за велосипеди што се одржуваат две години. На јавноста се потпира и Сингапур, високо урбанизираната метропола, која планира да изгради велосипедски патеки во должина од 700 километри до 2030 година. Граѓаните можат да возат по планираните велосипедски рути користејќи VR велосипедски симулатор – базиран на софтверот PTV и да го кажат својот збор во дизајнот.
Создавање простор за возење велосипед со помош на виртуелен модел
„Градовите кои сакаат да го пренасочат сообраќајот кон велосипедизам треба да се соочат со бројни клучни предизвици: Каде ни се потребни посебни велосипедски патеки, нови велосипедски автопати или пак паркинг места? Како изгледа интеракцијата со другите учесници во сообраќајот? Како можеме да обезбедиме зелени бранови кои им служат на велосипедистите?“ го наведува Јохен Ломилер, менаџер на производи во PTV.
„Пред да се имплементираат скапи инфраструктурни проекти, има смисла да се обрне внимание на различните мерки. Ова е местото каде што доаѓа нашата моќна алатка за симулација PTV Visum. Врз основа на виртуелен модел, можеме реално да го симулираме тековниот и идниот велосипедски сообраќај во градот и да разгледуваме различни сценарија за тоа што ќе се случи. На тој начин, ефектите од мерките ќе можат да се тестираат и потврдат во виртуелна средина“.
