Е-ТРОТИНЕТИТЕ МОЖАТ ДА ПОМОГНАТ ДА СЕ НАМАЛАТ ЕМИСИИТЕ ОД УРБАНИОТ ТРАНСПОРТ

Низ целиот свет, градовите се обидуваат да ги олеснат проблемите поврзани со транспортот, како метеж, загадување на воздухот, бучавата и сообраќајните несреќи. Планерите на урбан транспорт ги поздравија електричните тротинети како алтернатива на моторизираниот индивидуален транспорт, посебно автомобилот.

Јавноста ги запозна е-тротинетите и со ентузијазам и со скептицизам, бидејќи градовите се борат со непредвидени исходи како што се форми на неодговорно возење, неред или вандализам. Онаму каде што може да се избегне негативното јавно мислење, е-тротинетите имаат шанса да станат немирна иновација со потенцијал да ги трансформираат урбаните транспортни системи.

Според најновите извештаи откриено е дека заедничките опции за е-мобилност, како што се е-тротинетите и е-велосипедите, можат да помогнат во намалувањето на вкупните емисии на загадување од транспортот во градовите.

Истражувачите од институтот Fraunhofer ISI ги анализираа податоците за електрични тротинети и е-велосипеди од давателот Лајм на повеќе од 4.000 корисници во шест градови. Тоа се Париз, Берлин, Дизелдорф, Стокхолм, Мелбурн и Сиетл, и ги приспособија податоците на карактеристиките на секој град. Најголемите намалувања на емисиите од споделување на заеднички е-тротинети се регистрирани во Мелбурн (-42,4 грама по патнички километар) и Сиетл (-37,7 g/pkm).

Овие градови имаат значително поголем интензитет на CO2 во нивните системи за јавен транспорт отколку европските градови. Дизелдорф (-22,1 g/pkm), Париз и Стокхолм (-20,7 g/pkm поединечно) исто така, покажаа намалени емисии, додека Берлин покажа помали намалувања (-14,8 g/pkm). Утврдено е дека е-велосипедите имаат помал ефект врз намалувањето на емисиите поради нивно заменување на индивидуалните патувања со обичен велосипед и повисоки стапки на кражба.

Клаус Дол, експерт за мобилност во Fraunhofer ISI, советуваше дека има дополнителни чекори кои можат градовите и производителите да ги преземат за да го зголемат потенцијалот за намалување на емисиите на е-велосипеди и електричните тротинети како што се подобра интеграција на мрежите за микромобилност и јавнниот транспорт и подобрен животен век на возилата.

Транспортните емисии и нивоата на загадување на издувните гасови во внатрешноста на градовите во Германија беа вртоглаво високи  во изминатите години, што ги поттикна градските власти да бараат опции за намалување на употребата на приватните возила со мотори со внатрешно согорување во урбаните области.

Покрај приватните компании кои воведоа модели за споделување на е-автомобили, е-тротинети и други возила, ова вклучуваше мерки за подобрување на атрактивноста на опциите за јавен превоз и изградбата на дизајнот на транспортната инфраструктура за велосипедистите и пешаците.