УНГАРСКИ ТОВАРЕН ХАБ ВО СЛУЖБА НА ЈАДРАНСКИОТ КОРИДОР

Унгарската влада во спработка со компаниите за интермодален транспорт Хамбургер Хафен и Логистик Метранс потпишаа договор за изградба на товарен центар во Залаегерзег, на западот на Унгарија во близина на Австрија, Словенија и Хрватска и на патиштата кон јадранските пристаништа Трст, Копер и Ријека.

Метранс ќе инвестира повеќе од 40 милиони евра за изградба и опремување на терминалот, вклучувајќи грант од унгарските институции во износ од 11 милиони евра. „Оваа голема финансиска инвестиција покажува колку е важна Унгарија за понатамошниот развој на Метранс“, изјави Питер Кис, претседател на Извршниот одбор на Метранс.

Изградбата се очекува да започне оваа есен, со првата фаза да започне со работа во 2023 година. Метранс очекува дека ќе бидат отворени приближно 120 нови работни места.

„Инвестираме во Унгарија затоа што таму гледаме значителен потенцијал за железнички транспорт“, рече Ангела Тицрат, претседател на Извршниот одбор на HHLA. Јадранскиот коридор се развива на исклучително важна европска транспортна оска. Затоа неодамна се стекнавме и со пристанишен терминал во италијанскиот град Трст. Додека Унгарија, со својата локација во срцето на Европа, е од клучно значење за проширувањето на мрежата на Метранс кон јужна и југоисточна Европа.“

Метранс соопшти дека обемот на контејнери пренесени со железница во Унгарија во последниве години стабилно растел. Будимпештанскиот терминал што го отвори во 2017 година од 250 000 TEU во својата прва година, е зголемен на 425 000 TEU во 2019 година.

Метранс во моментов работи со редовни блок возови што ја поврзуваат Унгарија со Дуизбург и северноморските пристаништа Хамбург, Бремерхавен и Ротердам, како и со јадранските пристаништа Трст и Копер.