„ЛУФТХАНЗА“ БЕЛЕЖИ ИСТОРИСКИ ЗАГУБИ
Германскиот авиопревозник Луфтханза, една од најголемите авиокомпании во Европа, забележа рекордна загуба минатата година. Слични загуби пријави и сопственикот на Бритиш ервејс, ИАГ, истовремено предупредувајки дека капацитетите на летови оваа година може да достигне само до 50% од нивото пред-пандемијата.
КЛУЧНИ ФАКТИ
„Луфтханза“ минатата година оствари рекордна загуба во работењето од 6,6 милијарди долари, наспроти профит од 2,4 милијарди долари во 2019 година.
Приходите паднаа на 16,4 милијарди долари во 2020 година од 42,8 милијарди долари претходната година.
Во 2020 година, Луфтханза леташе со само 31% од вкупниот капацитет пред-пандемија, додека бројот на патници падна за 75%, односно на 36,4 милиони.
Бројот на персоналот исто така се намали – на крајот на 2020 година, авиокомпанијата имаше 110.000 вработени, што е намалување за 20% во однос на 2019 година.
Луфтханза соопшти дека може да размисли за трајно пензионирање на сите авиони постари од 25 години поради безбедносни проблеми.
Превозникот губеше околу 360 милиони долари во готово месечно во четвртиот квартал.
РЕШАВАЧКИ ЦИТАТ
„Изминатата година беше најпредизвикувачката во историјата на нашата компанија – за нашите клиенти, вработените и нашите акционери“, рече Карстен Спор, извршен директор на Луфтханза. „Ограничувањата на патувањето и карантинот доведоа до уникатен пад на побарувачката за авионски патувања. Сега меѓународно признати, сертификати за вакцинација и тестирање мора да ги заменат забраните за патување и карантин“.
КЛУЧНА ОСНОВА
Луфтханза, исто така, предупреди дека може да укине нови 10.000 работни места во Германија оваа година – откако минатата година ја намали својата глобална работна сила за 28,000, додека нејзината вкупна флота ќе се намали на 650 авиони до 2023 година од над 750 на крајот на 2020 година.
Во меѓувреме , европските авиокомпании остануваат на пистите поради загриженоста за појава на нови варијанта на Ковид. Според Европскиот центар за превенција и контрола на болести, досега се евидентирани најмалку 515 000 смртни случаи од Ковид во Европа.
Европската унија, наводно, има уште неколку месеци од издавањето дигитални „пасоши за вакцини“, што предизвикува страв од изгубената летна сезона за авиокомпаниите. Неколку европски влади се вклучија за да ги спасат погодените авиокомпании во услови на пад на патувањата минатата година, вклучувајќи ја и Германија чијашто влада сега поседува 20% од акциите на „Луфтханза“, откако минатата година и достави државна помош од околу 10,8 милијарди долари. Историската загуба на Луфтханза следи по масовната загуба од 9 милијарди долари, неодамна пријавена од IAG, сопственикот на Бритиш ервејс и Иберија.
ШТО ДА СЕ ПРАТИ
Луфтханза, исто така, предупреди дека неговиот капацитет може да не се врати на 90% од нивото на пред-пандемија сè до 2025 година. За оваа година, превозникот очекува капацитетот да се зголеми само на 40% до 50% од нивото во 2019 година, односно за 31% од 2020 година.
ТАНГЕНТ
Претходно оваа недела, Меѓународната асоцијација за воздушен транспорт (ИАТА) соопшти дека европските превозници забележале пад на патничкиот сообраќај од 83,2% во јануари 2021 година, во споредба со јануари 2019 година, што е полошо за 82,6% годишно, забележано во декември 2020 година.
„Почнувајки полошо од тоа како заврши 2020 година, зборува многу. Дури и додека програмите за вакцинација се забрзуваат, новите варијанти на Ковид ги водат владите да ги зголемат ограничувањата за патувања. Неизвесноста околу тоа колку ќе траат овие ограничувања, исто така, има влијание врз идните патувања “, изјави Александар де Jунијак, генерален директор и извршен директор на IATA.
