ВОЗ ВО ИТАЛИЈА ИЗЛЕТА ОД ШИНИТЕ, ПРИ ШТО ЗАГИНАА ДВАЈЦА МАШИНОВОЗАЧИ
Две лица загинаа, а околу триесет се повредени кога брз воз кој ги поврзува Милано и Салерно утрово излета од шините во близина на Лоди, кај Милано, јавуваат италијанските медиуми.
Un #frecciarossa è deragliato vicino a #Lodi, il bilancio è di due morti e 30 feriti. Le prime immagini ⬇️ pic.twitter.com/jU00dPwBTz
— Sky tg24 (@SkyTG24) February 6, 2020
Несреќата се случила на околу 50 километри јужно од Милано.
Полицијата објави дека железничкиот сообраќај е во прекин помеѓу Милано и Болоња поради несреќата.
È il Frecciarossa 9595 il treno deragliato vicino Lodi. Sul posto anche la #Poliziastradale per le conseguenze del grave incidente ferroviario pic.twitter.com/67OiUqUWtH
— Polizia di Stato (@poliziadistato) February 6, 2020
Италијанскиот началник за цивилна заштита ја потврди смртта на двајцата машиновозачи и додаде дека 27 патници се повредени, но никој од нив не претрпел повреди опасни по живот.
Предната локомотива/управувачница и најмалку еден вагон излетале од шините и се превртеле на страна. Според фотографиите, локомотивата излетувајќи од шините се одвоила од останатиот дел на возот и се удрила во блиската зграда што била причина двајцата машиновозачи да загинат на лице место.
Во утринскиот воз кој од железничката станица во Милано замина во 5:10 часот до Салерно, на југот на земјата, имало само 33 патници. Возот излетал од шините по 20 минути од патувањето, на околу 40 километри од Милано.
