ЗАПОЧНА ПРИЈАВУВАЊЕТО ЗА НАДОМЕСТОК НА ЕДЕН ДЕЛ ОД ГЕРМАНСКАТА ПАТАРИНА
Онлајн платформа за поднесување барање за враќање на дел од износот на патарина платена во Германија, е достапна на bag.bund.de од 3 ноември, објави германската Федерална канцеларија за товарен транспорт (BAG). Можете да пристапите на страницата (на германски) со кликнување на следниот линк.
БАГ во соопштението наведува и дека при пријавувањето може да има привремени прекини во процесот на аплицирање, поради големиот обем на сообраќај. Во тој случај, тие предлагаат да ја посетите платформата во друго време од денот.
Како да пристапите до платформата?
За успешно користење на платформата, потребно е да се регистрирате преку копчето „Креирај сметка“ („Konto erstellen“), при што ќе ги пополните бараните формулари.
Потоа го испраќате формуларот за враќање на средствата и соодветниот формулар за контрола директно до Федералната канцеларија за транспорт на стоки преку веб-страницата.
Ве потсетуваме дека кон апликацијата мора да ги приложите изводите за патарина на Toll Collect GmbH или соодветниот европски давател на услуги за електронска наплата на патарина, како и пополнетиот формулар за контрола.
Пријавата не треба да се поднесува додека не ги добиете сите документи или целосно не ги пополните, бидејќи последователно поднесување на документи преку порталот не е можно.
Апликацијата може да содржи најмногу 20 различни регистарски таблички. Доколку е потребно, може да се направи уште една апликација.
Ако веќе имате сметка, најавете се со вашата адреса за е-пошта и лозинка. Ако сте ја заборавиле лозинката, користете ја соодветната врска „Ја заборавивте лозинката“ („Passwort vergessen“).
Вашето барање можете да го поднесете до крајот на 2023 година. Нема такса за обработка на барањето.
Која е новата цена на патарината која се применува од 1 октомври и колкава сума ќе може да се рефундира, корисниците можат да видат во ТАБЕЛАТА која ја објави БАГ. Како што е објаснето, износот прикажан во последната колона треба да се помножи со (документираната) километражата/периодот од 28 октомври 2020 година до 30 септември 2021 година. Во поединечни случаи, може да се појават отстапувања за заокружување.
Извор: bag.bund.de
