БЕЛГИЈА ЈА ПОЗДРАВУВА НОВАТА ФРАНЦУСКА ЗАБРАНА ЗА ОДМОР ВО ВОЗИЛА ДО 3,5 Т

UPTR – белгиската организација на камионски превозници, ја поздрави француската забрана за одмор во комбињата. Организацијата ја повикува Владата да воведе законодавство слично на француските регулативи.

UPTR апелираше до Џорџ Гилкинет, новиот федерален министер за мобилност. Превозниците ја повикуваат белгиската влада да го следи примерот на Франција и да воведе правила со кои се забранува дневен и неделен одмор во возила до 3,5 тони, информира неделава белгискиот транспортен портал transportmedia.be.

Засега нема информации дали министерот Гилкинет ќе одговори на писмото на UPTR. Сепак, треба да се запомни дека Белгија прва во Европската унија воведе санкции за редовно неделно одморање во кабината на тешко товарно возило (во јуни 2014 година). Глобатаза неправилноста е 1.800 евра. Белгиските власти понекогаш прават и „апсења“ на камиони.

Француска забрана

За потсетување, Франција отиде чекор подалеку од другите западни земји со својот пакет за мобилност. На почетокот на септември, земјата воведе законодавство што наметнува казни за превозниците кои не обезбедуваат соодветно сместување за дневни и неделни периоди за одмор за работниците (вклучително и оние кои работат како самовработени).

Работодавачот е исто така подложен на казна доколку во текот на проверката, доколку возачот не може да докаже дека го минал последниот одмор надвор од возилото. За овој вид прекршок, транспортната компанија се соочува со парична казна од 1.500, па дури и 3.000 евра во случај на повторено дело.

Како што објаснија француските власти во меморандумот до Европската комисија, транспортните компании мораат да платат депозит од 750 евра кон казната доколку оваа повреда е сторена од странски возачи. Во спротивно, вработениот нема да може да ја продолжи рутата и неговото возило ќе биде имобилизирано.