АЗИСКИТЕ БРОДОВЛАСНИЦИ СЕ ПРЕД ЕВРОПСКИТЕ

Кинеските компании ја удвоија својата флота за десет години и станаа втор најголем фактор во бродскиот прекуокеански транспорт.

Според најновиот извештај на Clarkson Research Services, азиските бродари успеале да ги надминат своите европски колеги. Традиционално, европските бродовласници имаат најголем дел од светската бродска флота. На почетокот на векот тие држеа 44% од бруто тонажата, а азиските колеги 32% – пренесува splash247.

Во извештајот се предвидува дека поради брзиот раст на Кина, јазот меѓу азиските и европските бродовласници ќе се зголеми во наредните години во корист на Азија. Кинеските компании ја удвоија својата флота за десет години и станаа втор најголем фактор во светот, со 15% удел.

Податоците на Кларксон покажуваат дека азиските бродовласници учествуваат со 43% од светската тонажа со 48.472 бродови и вкупно 637 милиони тони. Ова го надмина уделот од 42% на европските сопственици, кој вклучува 30.610 бродови со вкупно 630 милиони тони.

Според извештајот, Азиското водство наспроти Европа ќе се одржува некое време, цитирајќи глобални податоци кои покажуваат дека 49% од глобалните резерви се во Азија и Пацификот, во споредба со 33% за европските сопственици. Предностите што ги има Азија во поморскиот транспорт се детектираат и во пристаништата, бродоградбата и обуката на екипажот.