ПРОВЕРКИТЕ НА ROADPOL ПОКАЖУВААТ ЗАБЕЛЕЖИТЕЛЕН ПОРАСТ НА МАНИПУЛАЦИИТЕ СО ТАХОГРАФ
Еднонеделните инспекции на Roadpol извршени на приближно 241 000 камиони во февруари резултираа со откривање на скоро 800 манипулации со тахограф. Бројките покажуваат пораст од последните проверки во октомври, кога инспекциите на над 206 000 камиони откриле околу 320 манипулации со тахограф.
Проверките, спроведени помеѓу 8 и 15 февруари, забележаа 240.924 камиони прегледани низ цела Европа. Од нив, во 4.255 случаи тахографите не биле правилно управувани, додека 796 случаеви биле откриени манипулации со тахограф.
Пред пет месеци, кога беа извршени последните вакви прегледи, биле откриени 321 манипулации со тахографи од 206.304 камиони што биле проверени.
Секретарот за оперативна работи на Roadpol, Хенк Јансен, претставник на Националната полиција на Холандија, вели дека манипулациите со тахографот стануваат сè почести поради притисокот на конкуренцијата:
Секоја година се поголема форма добиваат манипулациите со поставките на тахографот. Причината за овој вид измама може да биде значителниот притисок во конкуренцијата во оваа постојано растечка индустрија. Финансиските придобивки за превозниците може да бидат големи, но ризиците за безбедноста на патиштата се поголеми.
И покрај задолженијата што многу полициски сили мораа да го посветат на спроведувањето на ограничувачките мерки за пандемијата од Ковид-19, вкупно 16 земји учествуваа во операцијата.
Извештајот на Roadpol исто така ги истакна податоците во врска со главните причини за судири, а тоа се брзината, недоволно обезбедување на товарот, замор на возачот и технички дефекти на возилата. Утврдено е дека скоро 4.000 од проверените камиони имале сериозни технички дефекти, додека други 2.072 камиони биле преоптоварени. Други 1.315 камиони имале необезбедени товари.
Следната редовна инспекција на камиони и автобуси на Roadpol ќе се одржи од 10-ти до 16-ти мај 2021 година.
