HUAWEI ОТВОРА ЛОГИСТИЧКИ ЦЕНТАР ЗА ЕВРОПСКИТЕ ПАЗАРИ ВО СЛОВЕНИЈА

Кинескиот технолошки гигант Хуавеи планира да воспостави главен регионален центар за Централна и Југоисточна Европа во Словенија, со изградба на централен магацин во близина на аеродромот Брник во Љубљана. На овој начин, важноста на пристаништето Копер ќе се зголеми, како дестинација за снабдување на 19 пазари во Европа.

Со оваа деловна одлука, Хуавеи покажа дека ја признава стратешката позиција на Словенија и нејзиното главно пристаниште, вклучително и оваа земја на списокот на нејзините главни логистички дестинации, изјави регионалната директорка Беата Богади.

Проширувањето на просториите за складирање во близина на аеродромот ќе се реализира во два чекора. Прво, постојниот магацин ќе се прошири на 4.000 квадратни метри, а потоа на 6.000, објави во четвртокот Huawei.

Како што беше најавено, тоа значи дека протокот на транспорт на стоки за 13 земји на ЕУ и шест земји кои не се членки на ЕУ ќе бидат пренасочени кон пристаништето Копер и аеродромот Брник. Вредноста на проектот се проценува на околу 9 милиони евра, со потенцијал за понатамошен раст. Се очекува благодарение на оваа инвестиција да се отворат околу 40 нови работни места во Словенија.

Засега, Huawei испорачува големи количини товар од Кина до магацините во Унгарија и до други клиенти во Европа преку пристаништето Копер, и сметаат на скратување на времето за испорака до европските клиенти со изградбата на нов голем магацин во Словенија.

Извор: seebiz.eu.