ТЕХНОЛОГИИ ШТО ВО ИДНИНА ЌЕ ГО ПРОМЕНАТ ТРАНСПОРТОТ ЗАСЕКОГАШ

Современиот транспорт во моментов доживува големи промени благодарение на трансформативните транспортни технологии.

Иако сме навикнати на долги интернационални летови, густ јавен превоз и камиони на дизел гориво, иднината на транспортот ветува дека ќе го смени сето тоа и многу побрзо отколку што човекот може да го сфати. Ајде да погледнеме некои транспортни технологии кои сигурно засекогаш ќе влијаат на превозот и транспортните индустрии.

Самовозни (автономни) автомобили

Самовозните автомобили веќе се присутни. Тие се уште се во фаза на развој и тестирање, но веќе се присутни па патиштата во САД. За жал, Uber неодамна ги суспендира своите тестови откако во март 2018 година едно од нивните возила удри пешак во Темпе, Аризона.

Иако ова претставува значителен пад во развојниот напредок на автономни возила, развојните експерти остануваат оптимисти за иднината на оваа транспортна технологија.

Паметни автомобили

Многу потрошувачи веќе поседуваат паметни возила. Точната дефиниција за паметен автомобил варира помеѓу производителите, трговците и поединците, но генерално опишува компактно и економично возило кое користи нова и иновативна технологија за да го олесни животот на возачот и патниците. Во некои случаи, производителите преминуваат кон електрични или хибридни автомобили.

Новата генерација на паметни возила се уште има некои предизвици за надминување – како што се растојанието кое можат да го поминат помеѓу две полнења на гориво, бројот на патниците кои можат да ги примат, дури и количината на багажниот простор – но тие веќе возат по патиштата.

Следната генерација на ГПС уреди

ГПС уредите не се ништо ново – тие веќе се користат со децении. Најголемата разлика кога се споредуваат современите ГПС уреди со претходните модели е количината на функционалности што се гледа во поновиот хардвер.

Во минатото, ГПС уредите беа многу ограничени. Тие можеа да ја пресметаат вкупната километража и да го проценат времето на пристигнување до крајната локација.

За разлика од нив, денешните ГПС уреди се многу повеќе разноврсни. Не само што ја исполнуваат основната функционалност за планирање на патувањето, туку можат да направат прилагодување и нова пресметка при екстремни временски услови, нарушени сообраќајни услови или промена на претпочитаната маршрута.

Транспортните технологии кои ќе влијаат на јавниот транспорт за поединци

Јавниот превоз често има негативни конотации, вообичаено за големите градови и пренатрупаните населени места. Не само што јавните превозни средства често се пренатрупани со патници, туку во некои области, тие се жаришта на криминал и сомнителни активности.

Идниот јавен транспорт се надева дека ќе го промени сето тоа благодарение на претстојните и развојни транспортни технологии. Некои области, како Масдар Сити во Абу Даби и населбите околу аеродромот Хитроу во Лондон, веќе користат лични транспортни единици за да ги ублажат овие проблеми.

Има простор само за еден патник, со што веднаш го намалува ризикот од криминал или лична повреда, а нивната интуитивност ги прави одличен пример за тоа колку е лесно да се интегрираат новите транспортни технологии во секојдневниот живот.

Железнички мрежи за големи брзини

Железничките мрежи за големи брзини создаваат огромен интерес низ целиот свет, па дури и во САД. Шинксансен „куршум“ воз бил официјално претставен во Јапонија во 1964 година, со што започнува градењето на мрежата за брза железница.

Иако има мал напредок, некои земји се уште ги следат овие планови. Официјалните лица во Соединетите Американски Држави моментално размислуваат за десетина високобрзински железнички мрежи во земјата.

Жироскопски возила

Иако летачките автомобили може да бидат премногу сложени за редовна употреба во блиска иднина, возилата што лебдат – кои се движат со помош на монореилс и избалансирани преку иновативната употреба на жироскопот од следните генерации – би можеле да ги решат проблемите со јавниот транспорт низ светот.

Иако овие возила изгледаат како од научно-фантастичен стрип или филм, тие би можеле да станат реалност порано од очекуваното.

Понекогаш ги нарекуваат жироколи, нивната големина ги прави повеќе слични на модерните автобуси или возови. Раните концептуализации покажуваат возило што може да се движи по градските улици, па дури и да го крене своето тело преку вградените потпорници за да се движи низ сообраќајниот метеж без запирање.

Патот до иновации

Иако иднината е се друго освен јасна, тоа е почеток на откритија и иновации од сите видови. Патниците во САД можеби никогаш не би можеле да видат железничка мрежа со голема брзина која е способна да ги совлада брзините на јапонските возови или да се возат во индивидуални транспортни единици околу нивниот најблизок аеродром, развојот на некои рани концептуализации и прототипови се доказ за забавни и возбудливи идни времиња.