ПРВИТЕ ДЕСЕТ НАЈПРОМЕТНИ АЕРОДРОМИ ВО СВЕТОТ СО КАРГО ПРЕВОЗ

Со овој напис ќе ги сумираме аеродромите кои претовариле најголема количина на пратки по метрички тон.

Следниот список се заснова на бројки од Airlines Council International (ACI) и ги прикажува најдобрите 10 аеродроми по редослед на тони претоварен товар во 2018 година.

1. Меѓународен аеродром во Хонг Конг (HKIA)

Девет години по ред најпрометен аеродром во светот, меѓународниот аеродром во Хонг Конг е главниот аеродром за регионот и во 2018 година преку него се превезени скоро еден милион тони повеќе од неговиот најблизок конкурентен аеродром.

Обработени тони товар: 5.049.898 т.

Споредено со 2017 година: 9,4% пораст.

2. Меѓународниот аеродром Мемфис (МЕМ)

Цивилно-воениот аеродром, Мемфис меѓународен аеродром е дом на глобалниот центар Федекс Експрес, кој ги обработува поголем дел од пакетите на компанијата, што резултира со толку висока позиција на списокот за аеродроми.

Обработени тони товар: 4.336.752 т.

Споредено со 2017 година: пораст од 0,3 проценти.

3. Меѓународниот аеродром Шангај Пудонг (PVG)

Еден од двата меѓународни аеродроми во регионот, Меѓународниот аеродром Шангај Пудонг е воглавно центар на кинеската авијациска индустрија, кој опслужува претежно меѓународни летови.

Обработени тони товар: 3.824.280 т.

Споредено со 2017 година: раст од 11,2 %.

4. Меѓународниот аеродром Инчеон (ICN)

Најголемиот аеродром во Јужна Кореја, Меѓународниот аеродром Инчеон е еден од главните транспортни центри во Северо-источна Азија и е национална порта на Република Јужна Кореја.

Обработени тони товар: 2.921.691 т.

Споредено со 2017 година: раст од 7,6 %

5. Меѓународен аеродром Тед Стивенс Анхориџ (ANC)

Именуван по сенатор на САД од Алјаска, Меѓународниот аеродром Тед Стивенс Анхориџ е еднакво оддалечен од Токио и Њујорк, што значи дека се наоѓа на помалку од 9,5 часа одалеченост од 90 проценти од индустрискиот свет.

Обработени тони товар: 2.713.230 т.

Споредено со 2017 година: раст од 6,7 %

6. Меѓународен аеродром Дубаи (DXB)

Меѓународниот аеродром во Дубаи е примарен меѓународен аеродром што служи во Дубаи и се користи како сервисен центар за поголемиот дел од локалните авиокомпании.

Обработени тони товар: 2.654.494 т.

Споредено со 2017 година: раст од 2,4 %

7. Меѓународниот аеродром Луисвил Мухамед Али (SDF)

Цивилно-воениот аеродром лоциран во Кентаки, меѓународниот аеродром Луисвил Мухамед Али, е дом на главниот центар на компанијата UPS и е еден од најзначајните карго-објекти во САД.

Обработени тони товар: 2.602.695 т.

Споредено со 2017 година: раст од 6,8 %

8. Меѓународниот аеродром во Токио Нарита (NRT)

Порано познат како Меѓународен аеродром Ново Токио, Меѓународниот аеродром Нарита ја опслужува големата област на Токио во Јапонија.

Обработени тони товар: 2.336.427 т.

Споредено со 2017 година: раст од 7,9 %

9. Меѓународниот аеродром Тајван Тајоан (TPE)

Еден од четирите меѓународни аеродроми во регионот, Меѓународниот аеродром Тајван Таојуан е најголем и најпрометен, кој служи на Тајпеј и северен Тајван.

Обработени тони товар: 2,269,585 т.

Споредено со 2017 година: раст од 8,2 %

10. Аеродромот Шарл де Гол во Париз (ЦДГ)

Именуван по поранешен француски претседател, аеродромот во Париз Шарл де Гол е најголемиот меѓународен аеродром во Франција и исто така се нарекува аеродром Роси.

Обработени тони товар: 2.195.229 т.

Споредено со 2017 година: раст од 2,8 %

Споредбено, преку македонските аеродроми во 2018 година преработени се вкупно 2982 тони стока.