ОДБОРОТ НА ЕРБАС ГО ОДОБРИ РАЗВОЈОТ НА ТОВАРНИOT АВИОН А350
„Ербас“ обезбеди одобрение од Управниот одбор за развој на товарна верзија на авионот А350, додека компанијата се подготвува за засилување на производството на комерцијални авиони во втората половина од оваа година.
Во една од најгласните индустрии, шефот на Ербас, Гијом Фори покажа дека е многу тивок човек. Неговиот претходник Том Ендерс и шефовите на американскиот ривал Боинг секогаш презентирале нови модели на авиони со одлични изведби.
53-годишниот Французин, пак, речиси случајно го откри лансирањето на неговиот најнов товарен авион. Во склоп на презентацијата на полугодишните бројки во јули, Фори го кажа тоа на прилично незгоден начин: „Задоволен сум што можам да споделам со вас дека добивме дозвола од нашиот Управен одбор да ја подобриме нашата производна линија со дериват А350 за товарен превоз.”
Објавувањето на новиот товарен авион заслужува поофанзивен изглед – тоа е најголемиот напад врз најголемиот ривал Боинг од лансирањето на суперџамбо А380 пред 15 години.
Фори ја обелодени одлуката бидејќи ги опиша перформансите на компанијата Ербас во првата половина како „силни“ очекувајќи да испорача 600 комерцијални авиони оваа година.
Во текот на првите шест месеци до 30 јуни, комерцијалната дивизија на компанијата испорача 297 авиони и генерираше прилагоден EBIT од 2,29 милијарди евра во споредба со претходната загуба од 1,3 милијарди евра.
Приходите од комерцијални авиони се зголемија за 42%, односно на 17,8 милијарди евра.
„Овие полугодишни резултати ги одразуваат испораките на комерцијални авиони, нашиот фокус на ограничување на трошоците и конкурентноста, како и добрите перформанси во [хеликоптерите и одбранбените активности]“, вели Фори.
Тој изјави дека компанијата работи на „обезбедување“ на планираното засилување на производството на семејството А320нео. Компанијата откри во мај дека има за цел да го зголеми месечното производство на семејството на 45 авиони до крајот на оваа година, и постепено да го зголеми ова ниво на 64 во рок од две години.
Консолидираниот слободен паричен тек на Ербас се подобри на нешто повеќе од 2 милијарди евра, додека корегираниот ЕБИТ за првата половина достигна 2,7 милијарди евра. Предвидувањата се целогодишниот консолидиран прилагоден ЕБИТ да изнесува 4 милијарди евра.
Извор: www.flightglobal.com
