ОБЈАВЕНИ НОВИТЕ ОФИЦИЈАЛНИ ФРАНЦУСКИ УПАТСТВА ЗА НАЛЕПНИЦИ ЗА СЛЕПИ ТОЧКИ НА КАМИОНИТЕ

Од 1 јануари 2021 година, на сите тешки возила во Франција (товарни и патнички возила) мора да им стои знак за да ги информира другите учесници во сообраќајот за слепите точки на нивното возило.

Неисполнувањето на оваа обврска може да резултира со парична казна од 4-та класа, која вообичаено е 136 евра, но во најлошо сценарио, може да биде дури 750 евра. Француската влада објави детали за тоа каде да се залепат знаците на возилото.

Ноовата регулатива веќе се применува од 1 јануари, а појаснувањето на законот беше објавено на 6 јануари.

Кои возила треба да имаат налепници за слепи точки?

Според декретот објавен од француското Министерство за еколошка транзиција на 20 ноември, сите тешки возила над 3,5 тони, вклучително и странски камиони кои патуваат во Франција, треба да бидат опремени со инфографик налепница што ги информира другите учесници во сообраќајот за слепите точки на нивното возило.

Каде треба да се постават налепниците?

Налепниците мора да бидат видливи од двете страни, како и од задниот дел на возилото „во сите околности“, објаснува француската регулатива. Ова значи дека знаците мора да бидат поставени помеѓу 0,90 и 1,50 м над земјата – освен кај посебни случаи.

Налепниците мора да бидат поставени на таков начин што не ги покриваат регистрациските таблички и натписи на возилото, кое било од светлата или сигналите и не го попречуваат видното поле на возачот.

Строги стандарди кои доаѓаат

Сепак, условот за налепницата е само дел од безбедносниот план. Указот прифатен од француската влада вели дека моторните возила (освен земјоделски возила и опрема чија максимална брзина не надминува 40 км на час), мора да бидат конструирани или опремени на таков начин што видното поле на возачот, напред, кон десно и лево, е доволно за безбедно возење.

За да се усогласат со декретот, возилата мора да бидат опремени со еден или повеќе индиректни системи за гледање. На пример, ретровизорите да бидат поставени така што му овозможуваат на возачот да го гледа од своето седиште патот кон задниот дел на возилото, без оглед на товарот, и чија видливост во видното поле не вклучува слепа точка што може да го прикрие возилото околу да го помине.

Контролите на различните уреди на возилото што можат да се користат за време на возењето, на возачот мора да бидат лесно достапни додека возилото е во движење.

Ако не е така, возилото мора да се води од транспортер пред него.

Прецизно објаснување на правилата сепак нема да биде објавено до крајот на јануари, бидејќи наводно властите на ЕУ во Брисел го испитуваат указот.