НАЈСКАПИТЕ ПАТАРИНИ ВО ЕВРОПА

Без разлика дали планирате летно патување низ Европа или сакате да возите до следната дестинација за одмор, заменувањето на преполн аеродроми со отворен пат е одлична можност да дознаете повеќе за земјите што ги посетувате.

Сепак, кога планирате да возите во странство, има многу дополнителни трошоци што треба да ги земете предвид. На пример, бензинот, траектот и сместувањето се некои од најочигледните, но можеби не сте ги пресметале трошоците за патарините на вашата рута?

Нортгејт анализираше 44 земји, разгледувајќи патарини, автопати, мостови и тунели, за да ги најде најскапите рути во Европа.

Излезе дека Франција има најскапи патарини во Европа со просечна вредност од 61,77 евра. Големиот тунел Свети Бернард, кој ги поврзува Италија и Швајцарија, е најскапиот тунел – 26,84 евра. Возачите треба да извадат  од џебот 7,56 € за да го поминат мостот Сторбетл во Данска. Интересно е тоа што четвртина од европските земји, вклучувајќи ги Финска, Естонија и Монако, немаат воопшто патарина.

Вкупните расходи за возачите на камиони за плаќање на патарина на автопатот до Марсеј во Франција изнесува 358 евра. Анализата открива дека Франција ја има најскапата рута – возачите што патуваат од Париз до Марсеј (по A6/A7) мораат да платат 61,67 евра во еден правец, што значи дека со повратната рута возачите треба да платата над 120 евра.