НАЈАВЕН Е ШТРАЈК НА ПОМОРСКИТЕ РАБОТНИЦИ ВО ГРЦИЈА

Продолжува 48-часовниот национален штрајк на патничките бродови (фериботи-медитерански/туристички фериботи) почнувајќи од 06:01 часот на 10-11-2021 среда до 06:00 часот на 12-11-2021 година во петок, со можност за продолжување, најави администрацијата на Панхеленската поморска федерација (ПНО), како што беше одлучено на состанокот на 27-10-2021 година.

ПНО, во денешното соопштение, зборува за целосна неподготвеност и стерилно негативно однесување на работодавачот, со цел да се подготви нов Колективен договор за 2020 и 2021 година, после две години од последниот договор во 2019 година.

Тој, исто така, нагласува дека постоечките проблеми со кои се соочува секторот на морепловците, кои за жал, и покрај постојаните притисоци и протести од страна на синдикатот и соодветните ветувања на одговорните, не само што не се решаваат туку продолжуваат да се таложат секојдневно, кулминирајќи во низа на антиработнички закони задскриени позади пандемијата и продолжување на примената на законот 4150/2013 за намалените и посебните состави на патничките медитерански и крајбрежни бродови.

Федерацијата исто така тврди дека проблемите поврзани со доделувањето пензии и здравствената заштита на морнарите и понатаму продолжуваат, а воедно има трајно кршење на Колективните договори за работа на С.С.Е. а особено во однос на работното време и исплата на пресметаните плати.

Во соопштението на ПНО, конечно, се наведува дека секторот се уште е зафатен од невработеност, без да се преземат мерки за негово закрепнување.