ЕЛЕКТРИЧНИОТ БМВ ЏЕТПАК КОЈ ЛЕТА СО 300 КМ/Ч УСПЕШНО ИСПИТАН НАД АВСТРИСКИТЕ АЛПИ
БМВ планира да напојува илјадници џипови и седани во оваа декада со нивната електрична технологија. Но, одделот И при BMW неодамна соработуваше со Питер Салцман, австриски каскадер, за нешто друго. Заедно, тие создадоа електрично летачко одело (wingsuit). Електричниот џетпак на BMW може да придвижи лице со најголема брзина од 300 км/ч.
Со овој електричен џетпак, 33-годишниот Салцман прелета над австриските Алпи. Потребни му беа околу 3 години за да успее. Летачкото одело е познато, но погонската единица е развиена од нула. Електричниот џетпак на BMW е компактен, лесен, густ и сигурен. Се напојува со 50-волтна литиумска батерија.
Единицата за батерии е изградена околу 2 пропелери од јаглеродни влакна кои се вртат со 25.000 вртежи во минута. Може да генерира 15 kW, што е скоро исто како и 20 коњски сили. Јаглеродните влакна и алуминиумот се користени за обвивката на уредот за да се биде лесен до 26 килограми.
Инженерите на БМВ работеа на погонската единица, а Салцман на оделото. Тоа наликува на тркачко одело. Ткаенина што личи на кожните мембрани на летачките верверички се користеше за да може лицето кое лета да лизга низ воздухот. Специјалното летачко одело (Wingsuit) со електричниот пакет е тестиран во истиот тунел на БМВ што се користи за тестирање на аеродинамичноста на своите автомобили. Кога станува збор за последниот тест на крајниот производ во реалниот свет, сите со возбуда го дочекаа прелетувањето над австриските Алпи.
Салцман полета со хеликоптер и скокна на 10.000 метри. Тој избра да лизга некое време пред да го вклучи уредот. Со пози налик на Супермен, Салцман долета со електричниот БМВ џетпак пред да го отвори падобранот за мирно слетување.
Тестот во живо е успешно завршен. Но, сè уште не очекувајте да го гледате овој електричен уред во салоните на БМВ. Според извори, компанијата сè уште не планира масовно производство. Салцман ќе продолжи да работи на џетпакот и оделото. Ако BMW не го земе комерцијално да го работи, можеби тоа ќе го стори некоја друга компанија!
