ИСТРАЖУВАЧИТЕ СЕ ЧЕКОР ПОБЛИСКУ ДО БЕЗЖИЧНИТЕ ПАТИШТА ЗА ЕЛЕКТРИЧНО ПОЛНЕЊЕ

Инженерите, наводно, демонстрирале начин на кој со помош на магнетизам можат безжично да ја пренесуваат електричната енергија за повторно полнење на електричните автомобили во движење.

Стенфордските инженери објавија истражувања во кои се тврди дека направиле чекор напред кон практичното полнење на електричните автомобили додека патуваат по патишта изградени за бежично полнење на возилата.

Иако уреди за безжично полнење постојат за паметните телефони, тие работат само ако телефонот седи мирно, објасниле инженерите, но, за автомобилите, тоа би било исто толку незгодно како и сегашната практика да се приклучуваат на полнење на одредено време.

Пред три години, електро-инженерите од Стенфорд, Шанхуи Фан и Сид Асававорити, студенти на постдипломски студии, во својата лабораторија го изградија првиот безжичен систем кој може да ги наполни предметите во движење. Сепак, се велеше дека технологијата е премногу неефикасна за да биде корисна надвор од лабораторијата.

Сега, двајцата инженери демонстрираа технологија за која велат дека еден ден може да се зголеми за напојување на електричен автомобил што се движи по патот.

Поблиску кажано, тие посочија дека системот наскоро би можел да го направи практично безжично полнење на роботи, бидејќи тие се движат наоколу во магацини и фабрички подови – елиминирајќи го времето на застој и им овозможува на роботите да работат скоро деноноќно.

„Ова е значаен чекор кон практичен и ефикасен систем за безжично полнење автомобили и роботи, дури и кога се движат со голема брзина“, рече Фан. „Мораме да ја зголемиме моќта за да наполниме автомобил што се движи, но не верувам дека тоа е сериозна препрека на патот. За повторно полнење роботи, ние веќе сме во опсегот на практична корисност“.

Безжичните полначи пренесуваат електрична енергија со создавање на магнетно поле што осцилира со фреквенција што создава резонантна вибрација во магнетните завојници на приемниот уред. Предизвик е што дури и за мала количина резонантната фреквенција се менува ако растојанието помеѓу изворот и приемникот се промени, објаснуваат инженерите.

Во нивниот нов труд, тие покажаа како да ја зголемат ефикасноста на системот за електричен бежичен пренос на 92%. Клучот, објасни Асававорири, бил да се замени оригиналниот засилувач со далеку поефикасен засилувач на „преклопен режим на работење“.

Новиот прототип во лабораторијата може безжично да пренесува 10 вати електрична енергија на растојание од 0.5-1 метар. Фан рече дека нема основни пречки за зголемување на системот за пренесување на десетици или стотици киловати што ќе му требаат на автомобилот. Тој рече дека системот е повеќе од доволно брз да може да снабдува брз автомобил.